د ـټولنیز چارو مرستال - د کار، ټولنیزو چارو، شهیدانو او معلولینو وزارت

د ـټولنیز چارو مرستال

 استاد واصل نور مومند د حاجي رحیم الله زوی، د ۱۳۳۰ لمریز کال په خمدان زاخېل( د کندوز ښار دریمه ناحیه) کې زېږېدلی دی.

 لومړنۍ او منځنۍ زده کړې یې د(۱۳۳۷ ـ۱۳۴۲) کلونو ترمنځ د کندوز په شېرخان لېسه کې کړې دي، ثانوي زده کړې یې په کابل دارالمعلمین کې بشپړې کړې او په  ۱۳۵۳ لمریز کال د کابل پوهنتون د ادبیاتو پوهنځي له تاریخ او جعرافیا څانګړې فارغ شو.

 استاد واصل نور مومند په ۱۳۵۵ لمریز کال چې له ۱۹۷۶ زیږیز کال سره برابر دی، د ښوونکي روزنې اکېډمۍ(۱۷ ټولګی) څخه فارغ شو. په ۱۳۶۲ کال چې له  ۱۹۸۳ کال سره برابره ده، د پېښور پوهنتون ادبیاتو پوهنځي کې د فارسي ادب په برخه کې ماسټري ترلاسه کړه. په ۱۹۸۵ کال هم د امریکا له اریزونا پوهنتون د  انګریزي ژبې کورسونو(CESL) فارغ شو.

   مورنۍ ژبه یې پښتو، خو په  دري،اردو او انګریزي ژبو هم غږېدلی شي.

 

له کډوالۍ مخکې په افغانستان کې دندې

ـ ۱۳۵۴ – ۱۳۵۷ په کندوز ولایت کې د ښوونکي روزنې عالي موسسه کې د مسلکي او ټولنیزو علومو استاد.

ـ ۱۳۵۵ د ښوونکې روزنې اکېډمۍ (۱۷ ټولګي) محصل، د لوړو زده کړو علمي تحصیلاتو کادر.

 

په کډوالۍ کې دندې

ـ ۱۹۷۹ ـ ۱۹۸۶ زیږیز کال، د پېښور پوهنتون د منځنۍ اسیا څېړنیز مرکز کې استاد.

ـ ۱۹۸۶ د برهان الدین رباني په مشرۍ د افغانستان اسلامي جمعیت مشورتي بورډ سرپرست.

ـ ۱۹۸۸ د افغانستان اسلامي اتحاد( اتحاد او اووګونو تنظیمونو) د دارالانشا اداري رییس.

ـ ۱۹۸۹ په راولپنډۍ کې د مشورتي شورا غړي چې په پېښور کې یې د عبوري حکومت بنسټ کېښود.

ـ ۱۹۸۹ په پېښور کې د مجاهدینو په عبروي او انتقالي حکومت کې د بیارغونې وزارت اداري رییس.

ـ ۱۳۶۳ د کندز ولایت د جهادي شورا او په دغه ولایت کې د سیمای مجاهد مجلې مسوول مدیر.

 

په افغانستان کې د مجاهدینو له بري وروسته دندې

ـ ۱۹۹۲ د ټولګټو وزارت اداري رییس.

ـ ۱۹۹۳ د سوداګرۍ وزارت د بهرنیو اړیکو رییس.

ـ ۱۹۹۴ د دولت د ریاست د چارو ادارې عمومي مرستیال.

له هغه وروسته

ـ د حل و عقد شورا کې د کندوز خلکو غړی.

ـ په تخار ولایت کې د مقاومت په مهال د چارو ادارې رییس. 

په کډوالۍ کې بهرني سفرونه.

پاکستان، امریکا، جرمنی، فرانسې، بلجیم، سنیګال، نایجریا، متحده عربي امارات، سعودي عربستان او ایران.

 

په کډوالۍ کې کلتوري او علمي څېړنې

۱ د افغانستان د ولایتونو او کلیو پېژندنه(رساله)

۲ په افغانستان کې د مجلو او جریندو کرونولوژي(رساله)

۳ د خواجه عبدالله انصاري پېژندنه(رساله)

۴ د افغانستان د سیاسي نقشې ترتیبول.

۵ د واخان د نیواک خطرې( کتاب)

۷ د کندوز جعرافیايي وضعیت(رساله)

۸ په کندزکی د روسانو تېراېستونکې دسیسی ( رساله).

۹   د مجاهدینو وحدت او بریالیتوب ( رساله).

بالاخره په کندوز کې د حامدکرزي د ټاکنیز کمپیان د دارالانشا رییس.

په ۱۳۸۴ کال له ولسمشریزو ټاکنو وروسته په کار ټولنیزو، شهیدانو او معلولینو وزارت کې ګمارېدل.

د ۱۳۸۴ کال د جوزا په دریمه په کار ټولنیزو، شهیدانو او معلولینو وزارت کې د ټولنیزو چارو معین په توګه ګمارېدل.

 

د تېرو چارو غورچاڼ

   په مرکز او ولایتونو کط په دولتي او ملي او نړیوالو موسسو کې د کوچنیانو د خوندیتوب کړچار د شبکو د کمیسونونو ( CPAN)بنسټول.

په درویشتو کټګوریو کې له خطر سره د مخ ماشومانو د ملاتړ پراختیايی پروګرامونه، په تېره بیا د ماشومانو د قاچاق په برخه کې. د ماشومانو ضد تاوتریخوالي، له وخت مخکې او اجباري ودونو د مخنیوي، د یتیمو، بې سرپرسته او سړک غاړې ماشومانو د ملاتړ لپاره د پوهاوي پروګرامونو پراخول.

 د سارک سیمه ییزو همکاریو پراختیا

د سارک ټولنیز منشور ژباړل

د سوت ایشا فورم غړیتوب ترلاسه کول.

د ماشوم حقونو کنوانسیون ( CRC) پلي کول، چې افغانستان په ۱۹۹۴ کال لاسلیک کړی دی.

د ټولنیز خوندیتوب د ستراتیژۍ تدوین او طرح کول، چې د افغانستان پراختیا ملي ستراتیژي (ANDS)  پکې شامله ده.

د جنوبي اسیا هیوادونو سره د ټولنیز خوندیتوب ستراتیژي شریکول او په دې برخه کې سیمه ییزې او مالي همکارۍ جلبول.

د دولتي او نادولتي ادارو، انجیوګانو او ملي او نړیوالو موسسو ترمنځ د ماشومانو او معلولینو د حقونو د ملاتړ لپاره همغږي ایجادول

په ولایتونو او یوپنځوس ولسوالیو کې د ماشومانو د خوندیتوب کړچار شبکو لپاره د ماشومانو د اته ویشتو متخصصانو ګمارل

د زیانمنو ماشومانو  ملاتړ مزکزونو پراختیا( روزنځی، په مرکز او ولایتونو کې د بې سرپرسته او یتیمو ماشومانو بیا ادغام او د وړکتونونو پراختیا.)

په عدلیه وزارت کې د ماشومانو اصلاح مرکزونو د عالي شورا غړیتوب.

په عدلیه وزارت کې د محبسونو او توقیفخونو د عالي شورا غړیتوب.

په بهرنیو چارو وزارت کې د ملګرو ملتو د انسانی حقونو پړاویز روټ د برابرولو په مشرتابه پلاوي کې غړیتوب.

په افغانستان کې د سوال منع کولو مشرتابه پلاوي کې غړیتوب.

د د ماشومانو د ملاتړ دریو پروژو لپاره څلور اعشاریه پنځه میلیون ډالره جلبول.

 

 د معینیت دوره کې رسمي سفرونه

۲۰۰۵ کال سپتمبر له ۲۵ تر ۲۷ د مصر په قاهره کې د ټولو لپاره سواد کانفرنس کې ګډون.

۲۰۰۶ اپرېل له ۱۲ تر ۱۸ د جنوبي کوریا په بوسټن ښار کې په هر ځای کې تکنالوژي تخنیکي پروګرامونه او د سیمې په کچه ښوونه او روزنه سمینار کې ګډون.

۲۰۰۶ نومبر له ۱۱ تر ۲۴ د جرمنی په برلین ښار کې د مشرتابه او مدیریت د پراختیا ټریننګ پروګرام کې ګډون.

 ۲۰۰۶ جولای ۲۴ تر ۲۶ په سارک کانفرنس کې ګډون

د پاکستان په اسلام اباد کې د ماشومانو ضد تاوتریخوالي او قاچاق کانفرنس کې ګډون.

د نیپال په کتمندو کې د ایډز ناروغۍ کنټرول کانفرس کې ګډون

۲۰۰۸ اپریل له ۱۵ تر ۱۷ د بنګلدېش په ډاکه کې د سیمې هیوادونو کې د ټولنیز خوندیتوب ستراتیژي جوړولو او د ماشومانو تاوتریخوالي ورکولو سمپوزیم کې ګډون.

ملګرو ملتونو انساني حقونو ادارې ته د انساني حقونو پړاویز رپوټ وړاند کولو لپاره جنیوا ته سفر.

۲۰۰۹ سپټمبر ۱۳ تر ۱۷ په فیلپین او جنیوا کې د ماشوم حقونو د رپوټ بیا کتنه کې ګډون.

 

مډالونو او باورلیکونه

۲۰۰۶ جولای ۱۷ تر ۲۰ د ګومارنې پروګرام، بازارموندنې اهمیت، په اروپا کې کډوالو ته کاري چنسونه په نوم روزنیز ورکشاپ کې د ګډون باورلیک.

۲۰۰۶ اپرېل له ۱۲ تر ۱۸ د جنوبي کوریا په بوسټن ښار کې په هر ځای کې تکنالوژي تخنیکي پروګرامونه او د سیمې په کچه ښوونه او روزنه سمینار کې د ګډون باورلیک

۲۰۰۶ نومبر له ۱۱ تر ۲۴ د جرمنی په برلین ښار کې د مشرتابه او مدیریت د پراختیا ټریننګ پروګرام کې د ګډون باورلیک.

۲۰۰۸ فرورۍ له ۲۷ تر ۲۹ د بنګلدېش په ډاکه کې د معلولینو پړاویزه عمومي اسمبلۍ کې د ګډون باورلیک.

۲۰۰۷ کال د مۍ په اوله د افغان کارګرو ملي اتحادیې د مشرتابه شورا له خوا د کارګر نړیوالې ورځې افتخاری مډال ترلاسه کول.

د امریکا متحده ایالتونو کې د اړمنو کورنیو د ملاتړ میکانیز په هکله د نړیوال بانک څخه د ټولنز خوندیتوب ورکشاپ باورلیک ترلاسه کول.